Livre des sources médiévales:
Octobre 1260 : Vidimus et confirmation du Roi pour la vente de biens d'Olivier
de Termes à l'abbaye de Fontfroide (Aude)
Vidimus et confirmation par le roi Saint-Louis de la vente faite en octobre
1260 par Olivier de Termes à Othon, abbé de Fontfroide, du
château de Tuchan , du village de Paziols et de ses biens de Ségure,
pour la somme de 50 000 sols tournois (les crimes d’hérésie,
de faidiment et autres droits de haute justice étant toutefois
réservés au Roi). Cette vente est l’une des nombreuses ventes
effectuées par Olivier de Termes entre 1257 et 1262, probablement
dans le but d’obtenir des liquidités en prévision d’un nouveau
départ en Terre Sainte, ou afin de régler les dettes qu’il
avait pu contracter lors d’un précédent départ.
Ludovicus, Dei gratia Francorum rex. Notum facimus universis, tam presentibus
quam futuris, quod Nos, litteras dilecti et fidelis nostri, Olivierii de
TERMINIS, vidimus in hec verba :
In Nomine Domini, Anno Incarnationis eiusdem, Millesimo ducentesimo
sexagesimo, mense octobri.Noverint universi quod ego Oliverius de TERMINIS
, non inductus ab aliquo, nec deceptus, cum magna deliberacione, per me et
meos, presentes et futuros, vendo et titulo perfecte vendicionis trado vobis
fratri Othoni, abbati Fontis-Frigidi, Cisterciencis Ordinis, Narbonensis
diocesis, et conventui eiusdem domus, presenti et futuro, et omnibus
successoribus vestris, imperpetuum, castrum meum de TUXANO et villam meam
de PASULIS, cum omnibus pertinentiis et appenditiis suis, longe et prope,
cum omnibus hominibus et feminis, cum feudis et feudalibus, cum omnibus edificiis
suis, intra et extra, cum molendinis, aquis, pratis, pascuis, nemoribus,
silvis, terris cultis et incultis, donacionibus, juridictionibus,
justiciis,firmantiis, districtibus, et generaliter cum omnibus rebus quas
ego ibi habeo et habere debeo aliquo jure, vel aliqua ratione, et cum omnibus
illis rebus quas ibi aliquis miles, vel alius, a me vel pro me, tenet, et
cum omnibus suis terminiis, vel terminalibus, censibus, agrariis, laudimiis
et foriscapiis, et omnibus aliis iuribus que ibi habeo.Vendo etiam vobis,
iura omnia que habeo et habere debeo in castro de SEGURA, et in omnibus
pertinentiis et appendiciis suis, et dominium, ac ius feudi quod habeo in
predicto castro de SEGURA, et specialiter ac generaliter omnia que habeo
et habere debeo in omnibus supra dictis locis, vel rebus, ratione proprietatis,
dominii seu feudi, et omnes acciones, michi vel meis competentes, racione
predictorum castrorum, vel locorum, et alia iura in vos et successores vestros
transfero.Supradictam autem vendicionem, vobis et successoribus vestris facio
pro precio quinquaginta milium solidorum Turonensium de quibus me teneo per
paccatum.Predicta autem omnia tenebitis vos et successores vestri a domino
Rege Francorum et successoribus suis et idem dominus Rex et sui habebunt
impredictis omnibus, hereses et faydimenta et alias iusticias.Et in hominibus
predictorum locorum habebunt exercitum et cavalcatam.Et ad maiorem firmitatem
et perhempnem huius rei memoriam, presentem cartam feci sigilli mei munimine
roborari.
Nos autem, ad peticionem eiusdem Oliverii, predictam vendicionem, prout
superius continetur, volumus, concedimus et auctoritate regia confirmamus,
salvo in omnibus jure nostro predicto et jure etiam alieno.Quod ut ratum
et stabile permaneat in futurum, presentes litteras sigilli nostri fecimus
impressione muniri.Actum Parisius, Anno domini Millesimo ducentesimo sexagesimo,
mense octobri.
Source: Archives Départementales de l’Aude, Liasse H 206 (Abbaye
de Fontfroide).
Auteur de la transcription: Bernard PERICON [email protected]
Livre des sources médiévales: [xyxy]: text sources from the now defunct Arisitum website. Contact Paul Halsall, [email protected] if any text is here improperly.
These sources are now part of the Internet Medieval Sourcebook.
The Internet History Sourcebooks Project is located at the History Department of Fordham University, New York. The Internet
Medieval Sourcebook, and other medieval components of the project, are located at
the Fordham University Center
for Medieval Studies.The IHSP recognizes the contribution of Fordham University, the
Fordham University History Department, and the Fordham Center for Medieval Studies in
providing web space and server support for the project. The IHSP is a project independent of Fordham University. Although the IHSP seeks to follow all applicable copyright law, Fordham University is not
the institutional owner, and is not liable as the result of any legal action.
© Site Concept and Design: Paul Halsall created 26 Jan 1996: latest revision 12 April 2024 [CV]
|
